Arrazolako Amillena Bentan sukaldea kolektibizatzeko tailerrak antolatu dituzte. Hiru tailer daude eta bakoitzean otordu berezi baterako plater bat prestatuko dute. Lehenengoa azaroaren 12an (17:30-20:00 artean) edo azaroaren 15ean (10:00-12:00) da eta bildotsa saltsan sukaldatuko dute.
Bigarren tailerra azaroaren 19an (17:30-20:00) edo azaroaren 22an (10:00-12:00) da eta txipiak bere tintan izango da platera. Hirugarren tailerrean shiitakez betetako pikillo piperrak kozinatuko dituzte; kasu honetan ere hitzordu bi daude aukeran: azaroaren 26an (17:30-20:00) edo azaroaren 29an (10:00-12:00).
Izen-ematea tailer bakoitza baino hiru egun lehenago egin behar da beranduenez. Honako telefonoan egin daiteke: 94 627 89 07. Bazkideentzako prezioa 35 euro da eguneko edo 100 euro hiru egunak. Ez bazkideentzako 40 euro da eguneko eta 115 euro hiru egunak.