Atxondoko Kultura Mahaiak Kale Antzerkia Bultzatuz zikloaren barruan antolaturiko hirugarren eta azken emankizuna bihar izango da, irailak 5, 20:00etan, Apatan. Bertaratzen direnek Ganso&Cia konpainiaren Welcome&Sorry antzezlana ikusteko aukera izango dute. Obra honetan, teatroa maite duten antzerki-maisu bi Hamlet fideltasunez taularatzen ahaleginduko dira, kaos dibertigarri bati bidea emanez. "Obra hau klasiko handien parodiatik eta haien inguruko estereotipoetatik antzerki-lanbidea erakusten duen lana da. Keinu bidezko clown-komedia, publiko guztientzat", esan dute antolatzaileek.
'Welcome&Sorry' antzezlana, bihar, Apatako plazan
Atxondoko Kultura Mahaiak, Eusko Jaurlaritzaren diru laguntza bat baliatuta, kalera atera du antzerkia. Ekainerako, uztailerako eta irailerako hiru kale-antzerki antolatu dituzte, hile bakoitzerako bat. Azkena bihar izango da, 20:00etan, Apatako plazan.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!