Lehenengoa, zapatu honetan da, 18:00etan. Apatako jaien barruan Barsanti konpainiak Legea gu gara antzezlana eskainiko du. Sergio eta Erramun dira protagonistak, izakeran oso desberdinak diren istiluen kontrako brigadako bi kide.
Uztailaren 17ko bigarren hitzorduan, Maite Guevara konpainiaren ¡Qué buen día! ikusteko aukera egongo da. Antzezlan honetan Martina pertsonaia alaiak jolasez, istorioz eta inprobisazioz betetako piknik komunitario batera gonbidatuko ditu ikusleak.
Hirugarren kale-antzerkia irailaren 5ean da: Ganso&Cia konpainiaren Welcome&Sorry. Obra honetan, teatroa maite duten bi antzerki‑maisu Hamlet fideltasunez taularatzen saiatuko dira, kaos dibertigarri bati bidea emanez.