Atxondon Euskaraldia antolatzeko urratsak ematen hasi dira. Udalak batzar ireki bat deitu du herritarren parte-hartzea bultzatzeko eta ekimenaren inguruko lanketa abiatzeko. Batzarra apirilaren 1eko asteartean izango da, 18:30ean, udaletxeko pleno aretoan. Herritarrak batzarrean parte hartzera deitu ditu udalak. Euskaraldira begirako talde bat sortzea da helburua, ekimena herritik bertatik indartu dadin.
Euskaraldiaren laugarren edizioa maiatzaren 15etik 25era egingo da Euskal Herri osoan. Ekimen honen helburua hizkuntza-ohiturak astintzea eta euskararen erabilera sustatzea da. Parte-hartzaileek bi roletako bat hartzen dute: Ahobizi direnek euskaraz hitz egiten dute ulertzen duten guztiekin, eta Belarriprest direnek euskaraz hitz egiteko gonbita luzatzen diete besteei, nahiz eta beraiek nahi duten hizkuntzan erantzun.