Bihar, asteartea, Atxondoko Udalak auzo batzarra egingo du Axpen. Batzarra udaletxe zaharrean izango da, 19:00etan.
Batzarrean jorratuko dituzten gaien artean honakoak daude: pilotalekua, argiztapena, auzo bideak, energia berriztarrien proiektua eta iazko auzo bileran landutako gaien gaur eguneko egoera eta balorazioa. Herritarrek euren ekarpenak egiteko aukera izango dute. Udaletik jakinarazi dutenez, galdera zehatzen bat duenak udaletxera deituta jakinarazi dezake, horrela udal arduradunek informazio osatuagoa prestatzeko aukera izango dute.