Mota horretako fibrozementuzko uralitak osasunerako "oso kaltegarriak diren elementuak ditu, amiantoa kasu", ohartarazi dute udaletik. "Ingurumenerako ere oso kutsakorrak dira, batez ere elementu horiek errekako uragaz nahastu daitezkeelako", gaineratu dute.
Erantzukizunerako deia
Ildo horretatik, Atxondoko udal arduradunek “erantzukizunez jokatzera” deitu dituzte herritarrak. “Horrelako material kutsakorra ezin da edonon bota. Herritar bakoitza arduratu behar da horretaz, ez udala. Espezializaturiko enpresa batek kudeatu behar izan du", ohartarazi dute oharrean. Bestetik, udaletik praktika txarren kontra egiteko “borondate irmoa” erakutsi dute. “Ez dira jokabide onargarriak. Herritarren ongizateari eragiten dioten praktikak salatzen eta haien kontra egiten jarraituko dugu”, adierazi dute udal arduradunek.