Aitor Ajuria eta June Villarroel garaile Sorginen Lasterketan

Aitor Ajuria Sorginen Lasterketa irabazteko faboritoetako bat zen, eta hala izan da azkenean. 2:00:40 denboragaz helmuga zeharkatzen lehena izan da. Bere ostean iritsi dira Ander Gerrikaetxebarria (2:04:36) zornotzarra eta Paul Ormaetxea (2:06:11). Emakumezkoetan, 2:35:21 behar izan ditu helmugara iristeko June Villarroel elorriarrak; haren ostean heldu dira Itsasne Urkiaga (2:43:41) zornotzarra eta Ainara Arkarazo (2:53:03) abadiñarra.

(Ainara Arkarazo, June Villarroel eta Itsasne Urkiaga)

Beteranoetan, Asser Alonso (2:21:00) durangarra eta Ainhoa Egiguren (3:11:29) gipuzkoarra izan dira bizkorrenak. Helmuga zeharkatu duten lehen atxondarrak Oihan Arzua (2:49:18) eta Eider Berrioategortua (3:13:14) izan dira. Sorginen Lasterketa Urkiola Trail Kopa berriko lehen proba izan da, baita ere.

Sorginen Lasterketak hamazazpi urte bete ditu 2024an. Beste urte batez, lasterketa ANBOTOk eskaini du streaming bidez.