Atxondoko Kultur Mahaitik antolaturiko ikastaroa doakoa da. Izen ematea irailaren 12ra arte egin daiteke, modu bitara: liburutegia@atxondo.eus helbide elektronikoan eta 697 196 748 telefonoan. Atxondarrek lehentasuna izango dute.
"Ikastaro honegaz clowna, umorea eta antzerkiko teknikak sakontzeko aukera paregabea dago. Lotsa jolasen, umorearen, lelokerien, trakestasunaren eta emozioen bitartez eraldatzeko aukera eskainiko du Cecilia Paganinik", esan dute antolatzaileek ikastaroari buruz.
Cecilia Paganini Ganso&Cia antzerki konpainiako kidea da eta clown ikastaro bat baino gehiago eman du konpainiak Izurtzan duen Korrala Sormen Gunean.