Atxondoko Udalak berriro atera du lehiaketara igerilekuko tabernaren kudeaketa. Lizitazioaren epea udako denboraldian igerilekua zabalik egongo den hilabeteei begirakoa da: ekainaren 21etik irailaren 1era.
Proposamenak ekainaren 13ra arte aurkeztu daitezke. Lehiaketako oinarriak eta baldintzak udaleko webguneko (www.atxondo.eus) ‘Kontratatzailearen Profila’ saileko ‘fitxategiak’ atalean jaso daitezke. Eskariak telematikoki aurkeztu behar dira. Eskaeren gaineko informazioa baldintza-orriko ‘Kontratuaren Lizitazioa’ atalean dator jasota.
Edozein zalantza argitzeko udaletxera deitu daiteke: 94 682 10 09.