Biharko basoak gaur hasten dira lelopean, ekimen sorta egingo dute aste honetan Atxondon. Gaur, esaterako, Tantai Baso Jabe Kooperatibak Pinuak badu alternatibarik? berbaldia emango du pleno aretoan. Berbaldia 19:00etan hasiko da.
Domekan, abenduak 17, txangoa eta zuhaitz landaketa egingo dituzte. Baso Biziak plataformak Atxondoko Udalagaz antolatu duen ekimena da, eta 9:00etan hasiko da, Apatamonasterioko plazatik.
Antolatzaileek jakinarazi dutenez, txangoan eta zuhaitz landaketan parte hartzen duten herritarrei hamaiketakoa emango diete.