"Bai Bizkaian eta baita Euskal Herri osoan ere hainbat harrera talde dago eta eurek zelan lan egiten duten jakitea polita izango litzatekeela pentsatu genuen. Beraz, topaketa bat antolatzea pentsatu genuen. Topaketa honen bitartez, beste harrera talde batzuekin zein migrazioaren inguruan lan egiten duten taldeekin saretzea da asmoa", azaldu dute Harrera Taldekoek. Batzar horregaz emango diote hasiera egunari, eta, ondoren, herrira zabalduko dute topaketa.
14:30ean, bazkaltzeko batuko dira, Apatako frontoian. Bazkalostean, Rokia. Sustraiak airean antzezlan laburra plazaratuko dute, eta 17:30ean ume eta helduentzako Corre Kurru Corre ikuskizuna egongo da. Eguna amaitzeko, Agharasen Bidean-ek kontzertua joko du, 19:00etan.