Emakume artzainak omendu dituzte Axpeko Artzain Egunean

Miren Bengoa, Mertxe Totorikaguena eta Felisa Intxaurbe izan dira omenduak. 

Zapatuan Artzain Eguna ospatu zuten Axpen. Bertan hiru emakume artzain omendu zituzten: Miren Bengoa otxandiarra, Mertxe Totorikaguena izurtzarra eta Felisa Intxaurbe zeanuriarra. "Ezinbestekoa ikusten genuen elkarteko hiru emakume hauek omentzea. Euren bitartez baserriko emakume guztiak omendu gura izan ditugu", adierazi dute  Bizkaiko Latxa eta Karrantzar Arrazetako Ardi Hazleen Elkarteko kideek. 

Gainera gazta txapelketa eta ardi txakur txapelketa ere egin zituzten. Gazta txapelketan Zeanuriko Ipiñaburu, Markiñako Baskaran eta Izurtzako Mañondo izan ziren lehenengo hirurak. Ardi txakur txapelketa, berriz, Javier Arriagak irabazi zuen. 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.