Berdintasun Plana osatzeko herritarregaz diagnostikoa egiten dabil Atxondoko Udala

Atxondoko Berdintasun Plana egiteko prozesuaren barruan, herritarren iritziak ezagutu eta hauen beharrak antzemateko Atxondoko Udala inkesta baten bidez diagnostikoa egiten hasi da. 

"Hau planaren fase garrantzitsuenetako bat da. Testuinguru bat sortzeko, atxondarrek zer pentsatzen duten jakiteko eta egungo beharren araberako plan bat egiteko aukera emango digu. Horregatik, oso garrantzitsua da parte hartzea eta herritarrei galdetegia erantzuteko dei egiten diet", adierazi du Maria Aranguez zinegotziak.

Galdetegia irailaren 1era arte erantzun ahal izango da. Inkesta online eskura daiteke baita paperean ere.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.