2021eko udalekuak honako hiru asteetarako antolatuko dituzte Marixurrikeko kideek: lehenengo astea ekainaren 28tik uztailaren 2ra izango da, bigarrena uztailaren 5etik 9ra eta hirugarrena uztailaren 12tik 16ra.
Horrez gainera, eskolako oporren ostean ere goizeko zerbitzua eskainiko duela jakinarazi du aisialdi elkarteak. Hori ekainaren 21etik 25era izango da, 10:00etatik 12:30era.
Izen-ematea
Aurtengo udalekuetan izena eman gura duten edo udalekuen inguruko informazio gehiago jaso gura duten atxondarrek marixurrikedok@gmail.com helbidera idatzi beharko dute. Maiatzaren 9a izango da azkenengo eguna izena emateko.