Atxondoko Udalak apirilaren 6tik 11ra bitartean, biak barne, pumptrack zirkuitu bat jarriko du Apatamonasterioko frontoian. 10:00etatik 13:00etara eta 16:00etatik 20:00etara egongo da zabalik.
Udaletik azaldu dutenez, zirkuituan bizikletaz zein patinekin ibiltzeko aukera izango dute lau urtetik gorako pertsonek. "Jai egun hauetarako aisialdirako aukera bat eman nahi genuen, eta horrelako behin behineko pista bat muntatzeko aukera ikusi genuenean ideia ona iruditu zitzaigun. Egun horietan frontoira gerturatzea animatu nahi diegu probatu nahi duten guztiei", azaldu du Xabier Azkarate alkateak.