Axpeko jolasgunea konpondu du Atxondoko Udalak herritarren eskariari erantzunez

Maialen Zuazubiskar 2021ko ots. 3a, 09:46

Dagoeneko Axpeko San Juan plazako jolasguneko berritzeko lanak bukatuta daude. Atxondoko Udalak jolasgunea berriztu du, haur parkeko zoladura ordezkatuta eta joko-elementuak aldatuta.

Udaletik jakitera eman dutenez, berrizkuntzak herritarren eskaerei erantzuteko egin dira. "Aurrekontu parte-hartzaileetan sortu zen proposamenetako bat izan zen, eta ekintza honekin atxondarrek egindako eskaera bati erantzun diogu. Jolasguneko elementu guztiak berriztatu ditugu. Gainera, txikienek gozatzeko segurtasun neurri guztiak hartu ditugu", adierazi du Xabier Azkarate Atxondoko alkateak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!