Aurten, baina, bizitzen ari garen osasun krisia kontuan izanda, jaiak bertan behera uztea erabaki dute antolatzaileek, baita duela egun gutxira arte egitea aurreikusita zuten meza ere. "Duela aste batzuk antolatzaileek jaiak bertan behera uztea erabaki zuten arren, Santixa egunean meza egitea erabaki zuten. Baina, azken egunetako COVID-19 agerraldiak ikusita, hori ere ez egitea erabaki dute", esan du Xabier Azkarate Atxondoko alkateak. Azkarateren hitzetan, "erabaki zentzuzkoa da, mezara joaten den jendea, orokorrean, jende nagusia da eta"