Duela hamarkada bat baino gehiago AHTaren bidea egiteko Adifek hainbat lur desjabetuko zituela iragarri zuen, tartean Atxondoko maisuen etxea. Maisuen etxearen gainetik 1,6 kilometroko biaduktua egiteko proiektua dago eta. Joan zen barikuan, hainbat herritarrek etxe adreiluegaz itxi zuten. "Herri hau porlanez betetzeko asmoa duen Adifek maisu etxea erabiltzea lotsagarria da. Horregatik itxi dizkiogu ateak; herriarentzat ez bada, herria txikitzeko asmoz datozenentzat ez dadila izan", adierazi dute ekimenaren sustatzaileek.
Bestalde, buzo zuriak janzten eta herriarren "txikizioa eragozten" jarraituko dutela adierazi dute, eta herritarrei dei egin diete martxoaren 29an, 12:30ean, egingo duten manifestazioan parte hartzeko.