Udal eraikinen garbiketa zerbitzua esleitu du Atxondoko Udalak

Maialen Zuazubiskar 2019ko abe. 3a, 10:57

Udal eraikinen garbiketa lanak egiteko kontratuaren esleipena onartu du gaur Atxondoko Udalak aho batez. Gorka Garate alkateordeak adierazi duenez, tokiko administrazioak zerbitzu hori lizitatzen duen lehen aldia da eta 59.729 euroan esleitu dute, hasierako prezioa baino %23 gutxiago. Gainera, langileen eskubideak mantendu eta bermatuko dituztela adierazi du. 

"Ekimen hau beharrezkoa zen zerbitzu hobea eskaini ahal izateko, egoera formalago eta legalago batera egokituz, eta batez ere langileen eskubideak errespetatuz", adierazi du ohar bidez Xabier Azkarate alkateak. 

Ane Intxausti EH Bilduko bozeramaileak, zerbitzuaren esleipenagaz ados daudela, baldin eta langileen eskubideak ez badira kaltetzen adierazi du.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!