Udalak dispertsioaren aurkako murala ezabatu du. "Pintada egin zutenean ez genuen ezer esan, baina orain horma hori zuriz margoztea erabaki dugu", esan du Xabier Azkarate alkateak.
Erabaki horren aurrean, herritar batzuen ekimenez murala berriro margotu dute, gaur. "Atxondon preso eta iheslarien eskubideen alde lanean jarraituko dugu. Elkarrizketan eta akordioan sinesten dugu, horregatik murala berreskuratzeko apustua egiten dugu", diote ekimenaren bultzatzaileek. Bestalde, Atxondoko EAJri eta alkateari bilera formal bat eskatzeko asmoa dutela azaldu du herritar talde honek.