Apatan umeek jolasgune berria izango dute, Ziarreta auzoaren atzealdean

Atxondoko umeek jolasgune berria izango dute asteburutik aurrera. Udalak jakitera eman duenez, Ziarreta auzoaren atzealdean, erreka ondoko parkean, umeentzako gune berri bat atondu dute. 

Oharrean azaldu dutenez, hainbat gurasok auzolanean jolas parke bat egiteko eskaria egin zioten udalari, eta material naturalak (egurra, lurra eta harea) erabilita egin dutela jakitera eman dute. 

Bestalde parkea egiteko 1.000 euroko inbertsioa egin dutela, eta helburua umeen sormena eta mugikortasuna sustatzea dela esan dute.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.