Azken urteotan Atxondoko Udalaren proiektu nagusienetako bat izan dena gauzatu da dagoeneko eta martxoaren 21ean jaialdi bategaz inauguratuko dute Amillena taberna.
Tabernako kudeatzaileek jakinarazi dutenez, martxoaren 21ean euren proiektuaren berri emango diete Arrazolara doazenei. Euren berbetan, taberna edo jatetxe bat baino gehiago da Amillena, ama lurragaz "konexio berezia" duen herri proiektu bat.
Auzolana martxoan
Bestalde, Amillena proiektua eratzen duten hiru neskek auzolanera deitu dute martxoaren 16 eta 17rako, eta gura duten herritarrei bertaratzeko deia egin diete. Auzolan horien helburua Arrazolako eskola zaharrari azken ukituak ematea eta martxoaren 21erako dena prest edukitzea izango dela jakitera eman dute.