Mendigoikoara kronoigoera, bizikleta bereziagaz

Joseba Derteano 2018ko eka. 22a, 14:30

Kronoigoera bizikletan, Mendigoikoarainoko aldapa gogorra nork arinago igo. Horixe da Axpeko jaietan iaz abiatu zuten ekimen kuriosoetako bat, eta aurten errepikatu egingo dute.

Zapatuan izango da, 18:00etan. Iazko hamahiru parte-hartzaileek bizikleta bera erabili zuten, antolatzaileek eroandako bat, eta berezia zen: ez zuen eserlekurik. Beraz, zutunik bakarrik ibili zitekeen. Aurten bizikleta aldatuko dute eta beste berezitasun bat izango du, baina ez dute egunerarte bertararte jakinaraziko.

Bakailao eta tortilla txapelketak
Bakailaoa pil-pil eran eta tortilla txapelketak dira jaietako beste ekimen jendetsu bi. Zapatu arratsaldean egingo dituzte biak. Parte-hartzaileek lagun taldeagaz frontoian afaldu ahal izango dute gero. Jai batzordeak ogia, postrea eta kafea jarriko ditu. Afalosteko albistegiaren ostean, Luhartz taldearen erromeriagaz agurtuko dute eguna.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!