Bertako produktuak erabilita, sukaldaritza tailerra egingo dute Atxondon

Argazkia: www.akebasorestaurante.com

Bertako eta sasoiko produktuak erabilita, sukaldaritza tailerra antolatu dute Atxondon, Akebaso jatetxean, urtarrilaren 25erako.

Berton Bertokoa dinamikak, Atxondo Guraso Elkarteak eta Akebaso jatetxeak antolatzen duten ikastaroan bi plater eta postrea izango dituen menua kozinatuko dute. Ostean, ikastaroan parte hartu dutenak afaltzeko batuko dira.

Antolatzaileek jakitera eman dutenez, ikastaroan izena emateak 35 euroko balioa du. Bestalde, izen-ematea urtarrilaren 22a baino lehen egin behar dela adierazi dute, 94 658 20 60 telefono zenbakira deituta.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.