Axpetarrak errogatiban joango dira Larranora

Larranon dagoen Santa Barbara ermita Atxondoko lurretan dago, eta axpetarrek zaintzen dute auzolanean. Aspaldiko ohiturari eutsiz, zapatuan, Santa Barbara ermitara errogatiban joango dira axpetarrak.

8:30erako jarri dute hitzordua. Axpeko plazatik irten eta denak elkarrekin Larranora igoko dira. Larranon, Santa Barbara ermitan, 11:30ean,  meza eskeiniko dute. Eta ostean, hamarretakoa egiten batuko dira denak.

Bazkaria Atx-Azpin
Ondoren, berriz ere, Axpera jeitsi eta aurreko urtean bezala, Axpeko Atx-Azpin elkartean bazkaria egingo dute.