Herri bideen inbentarioa onartu dute Atxondon

Atzo egindako udalbatzarrean EH Bilduk duela hiru urte hasitako herri bideen inbentarioa onartu zuten gobernu taldearen aldeko bozkagaz.

Atxondoko herri bideak zeintzuk diren zehazten dituen inbentarioa amaitu eta herritarren alegazioak jaso ondoren,  orain, herri bideen ordenantza egiten hasiko dira. “Legez behartuta geunden herri bideen inbentario bat egiteko. Gainera, egunerokoan herriko bideekin arazoak zeudela ikusita azterketa hau burutzea beharrezkoa zen”, adierazi zuen David Cobos Atxondoko alkateak.  

Herritar talde batek, berriz, inbentarioarekiko desadostasuna erakutsi zuen atzoko udalbatzarrean eta EAJk herritarrei "entzun" behar zaiela adierazi zuen. Cobos alkateak,  berriz, oposizioari urte betean “ixilik” egon direla, eta inbentarioan aportazioak egiteko aukera izan dutenean “ezer ez” dutela egin erantzun zien. 

Erlazionatuak

Atxondon herri bideen inbentarioa prest udalbatzarrean onartzeko

Atxondo

Atxondoko herri bideak zeintzuk diren zehazten dituen inbentarioa amaituta dago. Txostena ekaineko lehenengo asteleheneko udalbatzarrera eramango d...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.