Osa sasoi betean dago Beriain-Uharte Arakilgo Kilometro Bertikala irabazita. Orduan bigarren eta hirugarren sailkatutako elgoibartar bi, Iban Murua eta Iñigo Lariz, izango ditu aurkaririk indartsuenak. Kilometro Bertikalen Kopako hiru probatik bi, Zegama eta Zuzien, Muruak irabazi ditu.
Asier Larruzea, Anartz Etxebarria eta Asier Apezetxea Kilometro Bertikalen Kopako aurreneko hiru sailkatuak ere badatoz, eta asko dute jokoan. Ematen du aurtengo txapelduna euren artean dagoela, eta Anbotokoa azken aurreko proba da.
Emakumeetan Oihana Kortazar ez da etorriko, lesionatuta dago eta. Etortzen bada, Maria Zorroza da faborito nagusia. Bestela, Aitziber Ibarbia edo Ainhoa Lendinez Kopako liderrren artean egon daiteke garaipena.
Durangaldeko ordezkariei dagokienez, Garazi Sampedro eta Oihana Azkorbebeitia Kopako laugarren eta zapigarren sailkatuak, hurrenez hurren, irteera puntuan izango dira.
Anbotoko Kilometro Bertikala zapatuan 14:00etan hasiko da, Arrazolan (3.8 km). Parte hartzaileak banan-banan irtengo dira. Irabazleak 300 euro jasoko ditu; bigarrenak 200 eta hirugarrenak 100.