15 ume sahararrek Axpeko aterpetxean pasatuko dute uda. Iaz ere ume talde honek leku berean pasatu zituen oporrak, beraz, esperientzia errepikatzera datoz. Uztailaren 1ean etorri ziren, eta abuztuaren 30era arte egongo dira Atxondon. Astean irteera bat egiteaz gainera, itsasontzian ibiltzera joango dira esperientzia berri moduan. Gainera, beste udaleku batzuetan dauden ume sahararrekin elkartrukea egingo dute.
Lau arduradunek uztaila eta abuztua aterpetxean pasatuko dute esperientzia hau bizitzen. Horrez gainera, beste hainbat hezitzailek astebeteko txandak egingo dituzte. Ume sahararrek mediku azterketak egiteko ere baliatuko dute udako oporraldia.
Elorrion ere bai
Elorrioko Udalak ongietorria eman die uda pasatzera etorri diren sei ume sahararrei, eta euren harrera-familien lana goraipatu dute.
