Talde durangarreko txirrindularia lasterketa hasieratik izan ziren protagonista. Lehen kilometroetan, Txomin Munitxa abadiñarrak ihes egin zuen beste bi txirrindularirekin batera. Ondoren, Beste Alde La Tostadorako txirrindulariak tropeletik tiraka aritu ziren. Eta lasterketako azken kilometroetan, Gontzal Garciak tropelari aurrea hartu, beste bi txirrindularirekin batera esprinta lehiatu eta irabaztea lortu zuen.
Garaipenaz gainera, Garciak Pipas torneoko lidergoa eskuratu zuen eta hurrengo lasterketetan talde durangarrak Gontzal Garciaren elastiko horia defendatu beharko du.