Aterpetxe osoa garbitzen eta pintaketa lanak egiten dabiltza. Horretaz gainera, argindar kableen eta ur hoditeriaren azterketa egin ostean, beharrezko konponketak egingo dituzte: “Ekainean saharauiak etortzen direnerako dena txukun eta prest izan gura dugu”, esan du Rosa Elizburu alkateak.
Saharauiak ahalik erosoen egotea da udalaren helburua. Horrela, esaterako, Axpera datozen hamabost gazteek dohainik erabili ahal izango dute udal igerilekua.