Helmugan eta tarteko helmugetan lortutako segundoek garrantzi handia izan dute orain arte. Lehenengo etapa Sanchezek irabazi zuen, baina tarteko helmugetan lortutako segundoek Garciari eman zioten liderraren maillota. Bigarrenean, Sanchez ipini zen lider. Atzo, atxondarra hirugarren sailkatu zen esprintean, eta batutako segundoek liderrarengandik segundo bakarrera hurreratu zuten. Azken hiru etapak lehiatu ondoren, domekan amaituko da itzulia.