Eguaztenean, azaroaren 23an, Cafés Baqué Pilota Txapelketako finalerdietako partida jokatuko du Mikel Bereikua iurretarrak Arrankudiagako Ibarrondoren kontra. Kadeteetako partida 19:00etan hasiko da, Atxondoko pilotalekuan.
Iaz txapelketa oso ona osatuta, aurten final-laurdenetan jokatu du bere lehenengo neurketa iurretarrak. Joan zen eguaztenean Garaio nafarraren kontra jokatu eta 18-16 irabazi zuen Bereikuak. Berak eraman zuen neurketaren pisua, eta kolpez fresko dagoela erakutsi zuen. 17-9 aurreratu ondoren, Garaio asko hurreratu zitzaion, baina ez lehia irabazteko beste.