Sorginen Lasterketa mendiko maratoi erdiak bigarren aldia beteko dau hilaren 19an. Izena emateko epea zabalik dago www.calle-9.com/sorginen webgunean. Dagoeneko, 160 lagun apuntatu dira datorren zapaturako.
Lasterketa Axpeko San Juan kaletik abiatuko da, 09:30ean. Pol-Pol eta Zabalaunditik igo, eta Arrazolako Topetik jaitsiko dira. Tramu laburra aukeratu dutenentzat hortxe amaituko da lasterketa. Gainerakoek beste 10 kilometro egin beharko dituzte, Betsaiden zehar San Roketik bueltan. 12:45 inguruan amaituko dute lasterketa.