Domekan hasiko da Berrizko egitarau kulturala, dantza ikuskizunekin. Emanaldietarako sarrera doakoa izango da, baina sarrera kopuru mugatua izango da. Sarrerak kultur etxean jaso beharko dira, aurretiaz.
Koronabirusaren agerpenak Elorrioko udako Musikaire jaialdia ere guztiz baldintzatu du. Aurten, Elorrioko jaialdiak egitarau "berezia" izango du. Ekitaldiak San Roken edo Aldatsekuan izango dira.
Saioak doakoak izango dira, baina aforo mugatua edukiko dute. Sarrerak Durangoko Arte eta Historia museoan hartu daitezke, edota kutxabanken webgunean. "Astean asteko sarrerak baino ezingo dira hartu, eta sei sarrera gehienez elkarrekin bizi direnak batera eseri daitezen" Eguraldi txarra eginez gero, ikuskizunak Kurutziagako estalpean, Landako Gunean edo Plateruena barruan egingo dira. Abuztuko eta iraileko ekitaldiek ez dute toki finkorik oraindik.