Dagoneko lehenengo irabazlea badugu. 108 parte hartzaileen artean zozketa egin dugu eta onuraduna Itxaro Juaristi abadiñarra da. Juaristik pozarren hartu du saria. "Badut ohitura Egunean Behinen jokatzeko. Eta ikusi nuen eskualdekako txapelketa bat zegoela eta batzea bururatu zitzaidan", esan du abadiñarrak. Juaristik herritarrei ligan parte hartzeko deia egin die. "Dinamika oso polita da eta gainontzeko eskualdeegaz lehia hori izatea ondo dago. Sailkapenean ikusi nuen Durangaldea momentu honetan behe aldean dagoela, beraz denon artean ea lortzen dugun gorantz egitea", gaineratu du lehenengo saridunak.
Oraindik ez duzu ligan parte hartzen? Batu zaitez gurekin!
Taldeko kide ez bazara, aukera duzu gurekin batera jokatzeko. Horretarako, ezarpenetara joan, profila eratu eta Tokikom Ligan 'Anboto (Durangaldea)' taldera batu. Behin hori eginda, eguneroko partida jokatu, eta listo.