Abadiñoko EAJk nagusien podologia eta ileapaindegi zerbitzuak "balintza onenetan" ematea eskatu dio gobernu taldeari. "Aurreko udal gobernu taldea osatu genuenok arazo honi irtenbide egokia aurkitu genion. Podologia eta ileapaindegi zerbitzuak Traña-Matienako Herritarren Arretarako Zerbitzua ematen den lekura bideratzea pentsatu genuen, eta herritarrei arreta emateko zerbitzua Errotara", azaldu dute EAJtik.
Jeltzaleen hitzetan, aldaketa hori aurreko legegintzalditik adostuta dago, eta egungo gobernu taldeari aldaketa "lehenbailehen" gauzatzeko eskatu diote.