"Aurreko legegintzaldian udalaren eta URAren artean egon zen lankidetza estua oso onuragarria izan zen eta gure herriaren onerako jarraitu behar du", azaldu dute ohar bidez jeltzaleek.
Gainera, lankidetza horrek Traña-Matienan uholdeak saihesteko funtsezko obrak martxan jartzeko balio behar duela gaineratu dute.
Horrez gain, gehitu dute lankidetza hitzamenak datozen lau urteetarako lan-programan Traña-Matienan lehentasunezko hiru proiektu jaso zituela: 6.396.062 euroko proiektuak.