EH Bilduko kideek azaldu dutenez, igerilekuak aldaketa nabarmenak izango ditu. Aurrekoarekin alderatuta askoz ilunagoa izango da, guztiz itxia izango da, eta gimnasiotik ez da igerilekua ikusiko. Udan soilik lau ate zabalduko dira, berdegunetik igerilkura sartzeko.
Bestalde, estalki berriaren mantenua errezagoa eta energia kontsumoari dagokionez eraginkorragoa izango dela azaldu dute. Hala ere, teilatuaren diseinuagatik eguzki panelak ezingo direla jarri adierazi dute.
"Urte hauetan guztietan egin dugun bezala, dena ongi irtetea nahi dugulako, obraren eta kudeaketaren gainean egoten jarraituko dugu. Instalazioen eta zerbitzuen kontrol egokia eramanez. Gainera, igerilekuetan gertatutakaoren ikerketan aurrerapausoak emateko lan egiten jarraituko dugu, Abadiñoko herritarrentzako diru asko baitago jokoan", gaineratu dute.
