"Erronka hau duela lau urteko erantzukizun, ilusio eta gogo berarekin eta esperientzia gehiagorekin, hartzen dut, bai, eta entzuten eta ikasten jarraitzeko konpromisoa ere hartzen dut", azaldu du Garaizabalek.
46 urteko abadiñarra 2019az geroztik da Abadiñoko alkatea, baina politikagintzan ibilbide luzea darama. 23 urterekin hasi zen EAJn militatzen eta lau urte geroago zinegotzi hautatu zuten; Abadiñoko Udaleko bigarren alkateorde izendatu zuten.