Aberastasuna eta enplegua sortzen eta Abadiñoko merkataritza suspertzen lagunduko duten enpresa-ideiak saritu gura ditu Abadiñoko Udalak Iñaki Rekalde Ogasun, Ekonomia sustapen eta enplegu zinegotziaren arabera.
Proiektuak aurkeztu aurretik, parte hartzaileek Behargintzan doako aholkularitza zerbitzua jasotzeko aukera izango dute. Abadiñon erroldaturik daudenak lehenetsiko ditu udalak, hala ere, lehiaketan parte hartzeko ez da derrigorra izango abadiñarra izatea.
Proiektu irabazleak sariaren %80 enpresa martxan jartzerakoan jasoko du, eta beste %20a urtebe beranduago.