Aitte Kurutzeko jaiak

Abadiñarrek pijama eta kamisoia jantzita irtengo dute gaur Aitte Kurutzeko jaiei hasiera emateko. Ferialekuan egin dute hitzordua 17:30ean, Andra Marira txopoaren bila joateko. Ondoren, kalejira egingo dute herrian zehar.

Egitaraua

Irailaren 13an: Pijama eta kamisoi eguna

• 19:00etan, txopoa altxatzea.
• 20:00etan, parrillada.
• 21:00etan, ugasixo txapelketa.
• 22:00etan, Lotxo taldea.
• 23:00etan, umeen patata dantza. Ostean, umeen eta kulero eta kantzontzilo lasterketa. Gero txokotalea.
• 00:00etan, nagusien patata dantza.
• 03:00etan, nagusien kantzontzillo eta kulero lasterketa.
• Erromeria amaituta, Dj Elvis Caino.

Irailaren 14an: Aitte Kurutzekoa

• 11:30ean, meza. Ondoren, dantzak eta luntxa.
• 17:30ean, umeentzako ikuskizuna.
• 18:30ean, poteo musikatua.
• 21:00etan, tortilla txapelketako tortillen aurkezpena. Txapelketa bertsoz girotuko dute.

Irailaren 15ean: Mozorro Eguna: Itsasoa

• 12:30ean, estropadak.
• 14:30ean, maleta siku.
• 15:00etan, umeentzako puzgarriak.
• Arratsaldean, Mugi Panderoa.
• 20:30ean, txopoa botatzea.