Astolako igerilekuetako abonatuak zelan konpentsatu aztertzen dabil Abadiñoko Udala

Bizkaiko kiroldegietan greba egunak deitu dituzte langileek, eta Astolako igerilekuena da eragina sufritu duenetako bat. Udalak esan du greba eskubidea errespetatzen duela, eta langileen eta enpresaren arteko akordioa lortzeko bitartekaritza eskaini du.

Udalak barkamena eskatu die herritarrei egunotan izandako eragozpenengatik, batez ere egun beroetan. Horregatik, abonatuei konpentsazio bat ematea aztertzen dabil.