Zelaietatik hasi eta Atxondoko mugaraino doan errepide zatia Abadiñoko Udalaren esku gelditu da hitzarmen baten bidez. Prentsa oharrean azaldu duenez, Abadiñoko Udalak errepide zati horretan hainbat hobekuntza egiteko asmoa du, "dagoeneko onartuta daukan 1,2 milioi euroko proiektu bategaz".
Behin errepide-zatiaren jabe egin ondoren, udalak posible du trafiko astuna debekatzea eta biribilgune berriak egitea Muntsaratz eta Zelaietako sarreretan auzo horietarako sarbideak hobetzeko, Jose Luis Navarro jarduneko alkateak azaldu duenez.