Muntsaratzeko bizilagunek duela 7 hilabete 700 sinaduratik gora aurkeztu zituzten udaletxean sarbidearen arazoa konpontzea eskatuz. Gobernu Taldeak, semaforoa anbar eran jarri du behin-behineko irtenbide lez. Auzokideek diotenez, errepidea Bizkaiko Foru Aldundiarena da eta udalak titulartasuna eskuratzea gura du, baina hori prozesu luzea izan daiteke.
Auzokideek berriro sinadurak batzeari ekin diote. Aldundiari ibilgailuen fluxu azterketa egitea eskatzen diote auzokideek, semaforoak hobeto erregulatzeko. Bestalde, auzoko sarbidearen arazoa konpontzeko irtenbidea biribilgunea eraikitzea dela nabarmendu dute.