Baserri guneak mantentzen lagundu gura du udalak diru-laguntza horien bitartez, baserrietan bizi diren familiei "babesa emanez". Rekaldek azpimarratu duenez, herriko ondare arkitektonikoaren zati dira baserrien ohiko etxebizitzek baino metro karratu gehiago dituzte, eta OHZ altuagoa dagokie. Hori dela-eta, OHZ murriztu gura die famili hauei udalak, "beraien bizimoduari eusten laguntzeko eta Abadiñon horren enblematikoak diren etxeak mantentzeko", Rekaldek azaldu duenez. Udalak 42.000 euroko diru-atala lotu du diru-laguntza hauetarako.
Diru-laguntza hauek eskatzeko nondik-norakoak azaltzeko batzarra deitu dute udal arduradunek baserrietako jabeekin urriaren 26rako. Udaletxean izango da, 10:00etan.