Mozioan azaltzen denez, "Zelaietako berrantolaketan beharrezkoa da auzokideen ikuspuntuak uztartu eta erabakitzeko aukera ematea". Zelaieta auzoko zati handi bat oinezkoentzako egokitzerakoan, herritarren kezka oinezko horien segurtasuna dela azaldu zuen Urrutiak. Gai hori eta sor daitezkeen beste batzuk sakonago aztertu gura ditu EH Bilduk. "Herritarrek euren ideietatik sortutako proposamenen artean hautatzeko aukera edukitzea" eskatzen dute mozian.
Jose Luis Navarro alkateak ostera, gaia behar bezala landu dela erantzun zion EH Bilduko eskaerari, eta berrantolaketarekin jarraituko dutela azpimarratu du.