Iñaki Rekalde zinegotziak eta merkatari elkarteko Lorea Iriondo eta Maria Baratok aurkeztu dute, gaur, kanpaina. Azaldu dute, urriaren 31ra arte egongo dela martxan, eta bost euroko balioa izango duten 1.000 erosketa-bonu izango dituztela kontsumaileek eskuragai. "Gure helburua da abadiñarrak herriko dendetan sartu daitezala eta ezagutu ditzatela eskaintzen dituzten produktuak. Seguru gaude kanpaina honi esker herriko dendek bezero bat baino gehiago irabaziko dutela datozen hileetan", adierazi du zinegotziak.
Lorea Iriondok aurreratu duenez, kanpaina horregaz batera, irailaren 30erako herriko merkataritzaren jaialdia prestatzen dabiltza merkataritza elkartekoak. Iaz sorturiko merkatarien elkartea ezagutzera eman gura dute jaialdi horregaz, eta umeentzako tailerrak eta jolasak eskainiko dituzte, Zelaietan.