Sei ordu iraungo duen maratoian parte hartzeko, ordu bakoitzeko lau euro ordaindu dituzte izena eman duten kirolariek. Parte hartzaileen izen-ematetik lortutako diru hori haur minbiziaren ikerketara bideratuko dute ekimena bultzatzatu duten Abadiñoko Udalak, EMTE Sport eta Rhythmic Bike enpresek eta Peque-ropa elkarteak. Azken elkarte horren bitartez, Gurutzetako ospitalera bidaliko dute etzi Abadiñon biltzen den dirua, haur-minbiziaren ikerkuntza laguntzeko.
Egun osoko egitaraua
Egun osoko egitaraua da domekan Traña-Matienan burutuko dutena, eta egun osoan zehar jai giroa nabaria izango da. Plaza kirolariz beteko duen spinning maratoia ezezik, bestelako ekintzak ere izango dira: goizean, herriko txistularien emanaldia izango da, dantza modernoen arratasaldean, eta eguna borobiltzeko, kontzertua eskainiko du Berta Bittersweet abeslariak.