EH Bilduk martitzenean osoko bilkuran aurkeztuko duen mozio horretan adierazten duenez, kirolari eta kulturari bultzada bat emateko helburuarekin sortu zituzten kirol eta kultura kontseiluak, 2012an, arlo horietan diharduten norbanako eta taldeekin elkarlanean jarduteko helburuagaz.
EH Bilduk hainbat aldiz kritikatu du, azken urteotan, gobernu taldeak ez dituela kontseilu horiek behar bezala dinamizatzen. Hainbat osoko bilkuratan eskatu diote udal gobernuari kontseiluak martxan jartzea.
Maiatzaren 30eko osoko bilkuran aurkeztuko duen mozioaren bitartez, besteak beste, "kontseiluen dinamizazio ardura, hau da, presidentzia, EH bilduri ematea" proposatuko du koalizioak. EH Bilduren ustez, Abadiñoko udaletxean kontseiluekiko "jarrera aktiboa" duten bakarrak beraiek baitira.