Denboraren joanak eta iazko apirilean inguru hartan jokatutako kirol proba batek asfalto-oihala zulatu dute eta horri irtenbide bat ematea da Uribitarten kokatuta dagoen parkean egiten dabiltzan lanetako bat. Horrez gainera, inguruan haurrentzako joko berriak jarriko dituzte, zaldiko maldikoak edo lianadun kulunkak, esaterako. "Azpiegiturak hobetu gura ditugu eguraldi ona datorrenean berriro ere Abadiñoko tokirik bisitatuenetakoa izan dadin", azaldu du Jose Luis Navarro alkateak.
Uribitarteko parkea 2011n inauguratu zuten 188.000 euroko inbertsioagaz eta 7.100 metro karratu hartzen ditu.